Dünya Azərbaycanlılarının Həmrəyliyi Günü və Yeni İl bayramı ərəfəsində Milla Dairy LLC ailəsi olaraq Ramana qəsəbəsində yerləşən NUR Uşaq Evinin balaca sakinləri ilə bir araya gəldik.

Bu görüş sadəcə bir ziyarət deyildi — sevincin paylaşıldığı, səmimi gülüşlərin, isti baxışların və unudulmaz xatirələrin yarandığı bir gün idi. Uşaqların üzündəki təbəssüm, gözlərindəki ümid bizə bir daha xatırlatdı ki, ən böyük dəyər insan qəlbinə toxuna bilməkdir.

Milla olaraq inanırıq ki, uşaqlara göstərilən diqqət və sevgi onların gələcəyinə atılan ən möhkəm addımdır.

Sosial məsuliyyət bizim üçün sadəcə bir öhdəlik deyil, dəyərlərimizin təbii davamıdır.

Bu gün bir daha əmin olduq ki, paylaşdıqca böyüyür, birləşdikcə möhkəmlənirik.