Millanın dəstəyilə daun sindiromlu uşaqlar üçün çəkilmiş video-çarx

Baş səhifə / Xəbərlər / Millanın dəstəyilə daun sindiromlu uşaqlar üçün çəkilmiş video-çarx

Daun sindiromlu uşaqları cəmiyyətimizə qazandıraq!

     Milli “Macəra TV” gələcəyimiz olan balacalar üçün milli superqəhrəmanlar dünyasını yaratdı. Qara Şahin, Qızılı Göyərçin və Ağbaşlı Qarğa ölkəmizin uşaqları tərəfindən tanındıqca sevilməyə başladı. Hər bölümdə oyun və macəra prizmasından superqəhrəmanlar uşaqlara həyatda qarşılaşdıqları mövzuları açır. Bununla da onlar dünya və ətraf aləm haqqında təsəvvürlərini genişləndirirlər.

     Azərbaycanın ən böyük milli şirkətlərindən biri olan “AZ FP CO LTD” MMC tərəfindən dəstəklənən bu mövzulardan biri “Macəra TV” personajlarının yer aldığı yeni bir animasiya çarxı kimi ortaya çıxdı. Animasiya çarxında daun sindromlu Yusifin bütün gününü onun dostları və uşaqlara sevinc bəxş edərək hədiyyələr verən şən zürafə Mimi ilə birlikdə keçirdiyini göstəririk.

     Superqəhrəmanlar da günün müəyyən hissəsini onlar ilə keçirir. Uşaqlar əylənirlər, dost olmağı, sağlam qidalanmağı, dərsləri yaxşı oxumağı, müəlliməni diqqətlə dinləməyi və bütün maneələri birlikdə aşmağı öyrənirlər.


      Yeni yaranan layihələri, çoxsaylı animasiya filmlərini hər zaman qürurla dəstəkləyən “Milla” markası bəhs edilən milli animasiya filmlərini hazırlayan komandanı da dəstəkləyir və uğurlar arzu edir. Animasiya filminin bir çox səhnələrində “Milla” süd məhsullarının yer alması həm komandaya, həm daun sindiromlu uşaqların inkişafına həsr olunmuş layihəyə dəstək xarakterlidir, həm də süd və süd məhsullarının uşaqların bəslənməsində nə qədər əhəmiyyətli yer tutması ilə bağlı bir mesajdır.

      “Milla” ailəsi olaraq, gələcəyimiz olan balacaların maariflənməsi, cəmiyyətdə yer tutması baxımından bu tipli milli personajlardan ibarət animasiya filmlərini dəstəkləməkdən qürur duyur, “Macəra TV” komandasına uğurlar arzulayırıq.