Ayran xalqımızın uzun illərdir sevə-sevə içdiyi içki olsa da, bu məhsulun insan səhhətinə olan faydalarından bir çox insan xəbərsizdir. Tərkibindəki yüksək miqdarda vitamin və başqa mineral komponentlər sayəsində başda həzm sistemi olmaqla, xolesterola, qan təzyiqinin normallaşmasına və sümüklərin inkişafına müsbət təsir göstərir.

Sevindirici haldır ki, ayran bazarında dominantlıq yerli markalara məxsusdur. Bütün süd məhsullarının istehsalında seçilən marka olan “Milla” ayran bazarında da uğurla təmsil olunur. Hazırda “Milla” ayranı sadə və nanəli olmaqla iki çeşiddə bazardakı əsas markalardan biridir. Yenilikləri ilə həmişə istehlakçıları sevindirən “Milla” ənənəsini davam etdirərək Azərbaycan bazarına ilk dəfə reyhanlı ayranını təqdim etdi.
 Reyhanlı ayranın həm dadı ilə həm də faydalılığı ilə müştərilər tərəfindən bəyəniləcəyinə inanırıq. Gəlin “Milla” reyhanlı ayranının bəzi faydalarına birlikdə nəzər yetirək:

Həzm sistemini yaxşılaşdırır: “Milla” reyhanlı ayranları həzm pozğunluğu və mədə şişkinliyi kimi narahatlığı olan insanlara daha çox məsləhət görülür. Xüsusən də ağır yeməklərin mədədə həzmini asanlaşdırır və metabolizmanı sürətləndirir.

Arıqlamaq istəyənlərin dostudur: Pəhriz saxlayanların məqsədlərinə çatmaq üçün istifadə etdikləri içkilərdən biri də ayrandır. Ayranın doyurucu özəlliyi olduğu üçün istehlak edən insanların aclıq hissini azaldır. Milla ayranlarının tərkibindəki vitamin və minerallar az qida qəbulu zamanı yaranan vitamin və mineral çatışmazlığını aradan qaldırır.
 
Hərarəti tənzimləyir: Xüsusilə də yay aylarında ayran içilməsi bədən temperaturunun normallaşmasına və stabilliyinin qorunmasına köməklik göstərir.
 
Kalsiuma tələbatı ödəyir: Kalsium insan sağlamlığı üçün olduqca önəmli olan bir elementdir. “Milla”nın süd məhsulları sümüklərin inkişafına müsbət təsir edən kalsium ilə zəngindir.
 
Vitamin mənbəyidir: “Milla” ayranının tərkibində yüksək miqdarda dəmir, B və D vitaminləri vardır ki, bütün bunlar qan azlığı xəstəliyi olan anemiya riskini azaldır. Bunlara əlavə olaraq, ayran hormonların ifraz olunmasına və həzm olunan qidanın enerjiyə çevrilməsinə kömək edən riboflavinlə  də zəngindir. Bu məhsulun antioksidan xüsusiyyətləri olduğu üçün qaraciyər sağlamlığına da kömək edir.
Qeyd edək ki, “Milla” markasına aid məhsulların əsas xammalı olan süd, əsasən, şirkətin Qəbələ rayonunun Ovcullu kəndində yerləşən süd fermasından əldə olunur.